1月組合升得快，買中爆升股點算好!

買賣股票是一種技能，但現代社會好多時把焦點放在砂紙上，社會或爸媽亦要求子女讀好書搵好工，但這些只能令你/妳找到一份好工，從沒法令你在不用工作下，提供收入支持你日常生活開支。如果你份工能提供技能和工資，我非常為你/妳高興。

找工的著眼點應在於當你擁有這些技能後，你可否財務自由和不用花費太多時間去營運它。除非你是專業人士，工資高，否則早啲找過第二份工可能比較好。

說回1月剛過去的2星期，我的組合升得比較快，有加注、止蝕和買其他股票，一向以平常心面對，冇乜特別感覺，投資其實是一樣好悶和孤獨的遊戲。每月買賣多次，贏輸冇乜所謂，但到最後總數加起來贏就可以了。記得預留一些空間allow自己做錯，不要迫得自己太犀利，因冇人是perfect，放鬆啲。

剛好有一隻股票一買就立刻爆升，這隻是BYND(請睇回我上一篇文章)，我買左第一注後第二注未買又升過，這是一隻好例子，等我說明注碼控制的重要性和應對策略。我記得第一注大慨$82左右買入(自己睇上一篇)，之後6日內升到$130，根本冇得追，我對爆升股票的操作如下:

1.如果追得切入第二注，就等食糊;

2.如果追唔切，就等它回復平靜，橫行再加注。
3.如入咗第二注後升，就等食糊。
4.如入咗第二注後跌，當跌回買入(平均)價時，就走。

以上操作，你只會贏錢或平手離場，唔會輸錢。如果平手離埸，你輸的只是一個機會沒有金錢上損失。那努力再找下隻吧，等機會再出手。

我完全明白好多人不喜歡投資，可能覺得悶，又或者剛開始的時候沒有足夠資金投資多隻股票來分散風險，所以什麼都唔做，我亦聽過唔少人話只有小量金錢，等儲多啲錢先投資。這個想法錯晒，假如你起初投资時有大量或比較多資金，在沒有足夠的經驗下炒一至二年，你都可能輸得七七八八。其實所有人都是同一條起跑線，只要你/妳累積足夠經驗把經驗轉為一種買賣股票的技能，金錢自然進入你户口裏。

有隻ETF幾好，是關於星加坡房託基金，它叫CFA，我睇過有好多隻我有買開的星加坡房託它都包括在內。大家可以從CFA開始實戰累積經驗。我未夠貨要再買多啲CFA。

如果你對文章有興趣請留言，或者寫出你有什麼想知。

1月13日至1月18日的變化

Note: 止蝕，NRR 跌多過5%

2019年回報23%和公開2020年1月初組合

2020年對我來說是重要的一年，數年前巳思考如何活好人生下半場，希望自己擁有更多時間做運動。我跑步時有個習慣，就是一路跑一路諗投資策略或問題，好多時答案會在跑步後浮現，有時要數天後才想出來。我喜歡運動，因運動時能給予腦袋清靜時間去沉澱、分析，適當地放鬆身心是非常重要。

好多人都會預測每年的投資主題，我覺得投資是跟趨勢，如果已經有預期，你投資決定或會有所影響，所以我一向都唔會估每年的投資主題或預測市埸升或跌。我只要設定好低波幅股票下跌5%止蝕或大波幅股票下跌10%-15%時止蝕，這樣就足夠面對市埸變化。

最近重溫一本好有投資內容的書籍「窮爸爸富爸爸」作者Robert Kiyosaki。他教授如何分別資產和製造現金流，有興趣人士何上youtube睇下，他有好多影片。我見意最少睇以下影片:

https://www.youtube.com/watch?v=dN5qHjnd_xk

「窮爸爸富爸爸」的作者在多年前已提出現金流，說明要擁有正現金流的資產才能致富，最簡單的例子是買樓收租，香港人一定明日。其實每年從投資股票、債券、期權、期指產生正金流是好正常的事，只要方法正確好快就會睇到成效。我現在公開2020年1月時的中和短投资組合作為參考，但不包括外滙、期指和期權，因公開後可能對新手有風險。

公開投資組合有兩個好處，一是作為自己的投資紀錄溫故知新提升投資技巧，二是等大家可盡快實行(落水炒吓，記住自己投資自己負責)。曾經有個基金經理(好似是黃國英先生，你哋FC吓)咁講過，公開你的投資回報先再講，我其實好認同這說法。每個人時間都有限，我自己都唔想浪費光陰睇冇營養的資訊。

2019年投資總回報(23%)如下圖

2020年1月時的中和短投資組合，如下圖

以上只是資訊不作出任何投資建議，輸贏自己負責。